«АБ ДАДАТКОВЫХ МЕРАХ ПА ДЗЯРЖАЎНАЙ АБАРОНЕ ДЗЯЦЕЙ У НЯЎДАЛЫХ СЕМ'ЯХ»
Дзеці падлягаюць дзяржаўнай абароне і змяшчэнню на дзяржаўнае забеспячэнне ў выпадку, калі ўстаноўлена, што бацькі (адзіны з бацькоў) вядуць амаральны лад жыцця, што аказвае шкоднае ўздзеянне на дзяцей, з'яўляюцца хранічнымі алкаголікамі ці наркаманамі альбо іншым чынам не належна выконваюць свае абавязкі па выхаванню і ўтрыманню дзяцей, у сувязі з чым яны знаходзяцца ў сацыяльна небяспечным становішчы.
Дзяржаўныя органы, іншыя арганізацыі, грамадзяне, якія валодаюць звесткамі аб дзецях, указаных у частцы першай гэтага пункта, абавязаны неадкладна паведаміць пра гэта ў Камісію па справах непаўналетніх, орган апекі і папячыцельства, іншыя дзяржаўныя арганізацыі, упаўнаважаныя заканадаўствам ажыццяўляць абарону правоў і законных інтарэсаў дзяцей, па месцы знаходжання гэтых дзяцей.
Непрацуючыя бацькі з моманту адабрання дзіцяці бяруцца на ўлік у органах унутраных спраў для прафілактычнага назірання.
З дня прыняцця камісіяй па справах непаўналетніх рашэння аб адабранні дзіцяці бацькам дзіцяці спыняецца выплата дзяржаўных дапамог сем'ям, якія выхоўваюць дзяцей.
Бацькі абавязаны кампенсаваць выдаткі па ўтрыманні дзяцей у выпадку: адабрання ў іх дзяцей па рашэнні камісіі па справах непаўналетніх, адабрання ў іх дзяцей на падставе рашэння суда без пазбаўлення бацькоўскіх правоў, пазбаўлення іх бацькоўскіх правоў, знаходжання іх у вышуку, лячэбна-працоўных прафілакторыях або ў месцах утрымання пад вартай, адбыцця пакарання ва ўстановах, якія выконваюць пакаранне ў выглядзе пазбаўлення волі, абмежавання волі, арышту.
Ухіленне абавязанай асобы ад яўкі на працу, якое складае дзесяць і больш рабочых дзён на працягу трох месяцаў, альбо ўтойванне, заніжэнне абавязанай асобай памеру заработнай платы, альбо вінаватая дзеянне (бяздзейнасць), якое выявілася ва ўхіленні ад працаўладкавання па судовай пастанове аб працаўладкаванні, здзейсненае на працягу года пасля накладання адміністрацыйнага спагнання за такое ж парушэнне, што пацягнула невыкананне або няпоўнае выкананне штомесячных абавязацельстваў па пакрыцці расходаў па ўтрыманні дзяцей, з'яўляюцца падставай для прыцягнення яго да адказнасці ў адпаведнасці з часткай другой артыкула 174 Крымінальнага Кодэкса Рэспублікі Беларусь