СТАРОНКА ГІСТОРЫІ
1. Серабрышчанская базавая школа.
А) Серабрышчанская базавая школа была адкрыта ў 1937 годзе ў доме мясцовага жыхара Сцяпуры, праз некаторы час школа стала размяшчацца ў панскай хаце. Школу наведвала каля 100 вучняў, вучылі іх два настаўнікі.
Б) У 1939 годзе была пабудавана новая школа. Яе пабудавалі з бярвення панскага адрыны з в. Дукрава. У гэты перыяд школа працавала як пачатковая, было каля ста вучняў. Навучальны працэс ажыццяўлялі Курцэр Натан і яго жонка Маля Майсееўна. Дырэктарам школы быў Міхальчык Андрэй Кляменц'евіч.
2. Функцыянаванне школы ў перыяд 1941-1945 гг.
Школа да 1944 года існавала як пачатковая. Было 4 класа. Настаўнікамі працавалі Наглер Гелена з мужам, Курцэр Натан, Курцэр Маля Майсееўна. Летам 1942 года немцы расстралялі сям'ю настаўнікаў яўрэйскай нацыянальнасці Курцэр Натана, Курцэр Малю Майсееўну.
У 1943 годзе школа часова не працавала, настаўнікі з'яўляліся удзельнікамі партызанскага атрада. У 1945 годзе школа стала працаваць як сямігадовая. Дабавіліся настаўнікі Варанец Ніна Раманаўна і Астаповіч Анэля Станіславаўна, Боржый, Дзяшкоўскі, Карповіч, Волкаў, які потым працаваў загадчыкам РАА. У школе займалася каля 160 вучняў.
3. Скародзінская пачатковая школа.
Школа была польская, вучні вучыліся ў двух дамах па 10-12 чалавек, іх вучыла настаўніца Уздзейская.
4. Перхавіцкая пачатковая школа.
Школу пачалі будаваць у 1939 годзе. У 1941 годзе дзеці ўжо прыступілі да заняткаў. Настаўнікамі ў розныя гады працавалі Пугач, Мароз, Кветка Марыя Іосіфаўна.
Рашэннем Баранавіцкага райвыканкама № 183 ад 24.07.89г. Серебрышчанская БШ і Ягаднянская БШ былі скасаваныя ў сувязі з адкрыццём школы ў в. Перхавічы. Новы будынак Перхавіцкай СШ на 108 вучнёўскіх месцаў быў пабудаваны ў 1989 годзе.
Фотарэпартаж са свята адкрыцця школы 01.09.1989 года
Сёння школа ў першы раз
запрашае ў першы клас.Будзем разам мы расці і да ведаў йсці
.
Вось апошні момант той, што стварае ўвесь настрой.
Стужка алая ўпадзе, ход свабодны усей дзятве
Ключ ад школы, ключ ад ведаў, будаўнік усім даверыў, каб дырэктар зберагаў, двоек у школу не пускаў
Што за радасць, што за дзень, для бацькоў і для дзяцей! Для настаўнікаў таксама школа будзе роднай мамай.
На момант адкрыцця ў школе навучалася 103 вучні, адукацыйны працэс ажыццяўлялі 16 настаўнікаў