25 красавіка для вучняў 8, 9 і 11 класаў Перхавіцкай сярэдняй школы ў рамках правядзення інфармацыйна-адукацыйнага праекта ШАГ адбыўся чарговы дыялог на тэму "Радзіма мая Беларусь у асобах. З клопатам пра здароўе" (пра медыцынскіх работнікаў). З дапамогай інтэрактыўнай віктарыны "Мы даведваемся" вучні актывізавалі веды пра сістэму аховы здароўя Рэспублікі Беларусь. На сустрэчу была запрошана загадчык Маўчадскай амбулаторыі, урач агульнай практыкі Жывалеўская А.І.. Алена Іосіфаўна і цяпер, аддаўшы прафесіі больш за 40 гадоў, клапоціцца аб здароўі людзей з 24 населеных пунктаў. Яна дала крытычную ацэнку шкодным звычкам, адказала на пытанні старшакласнікаў і пераканала ў неабходнасці вядзення здаровага ладу жыцця. Вучні прыйшлі да высновы, што здароўе - найвялікшая каштоўнасць, якую трэба берагчы ўсё жыццё.