Цікавае побач.У гэтым пераканаліся вучні Перхавіцкай сярэдняй школы ў час велапахода Перхавічы- Моўчадзь у суботу 1 красавіка. Першы прыпынак - "Помнік загінуўшым землякам". Вучні яшчэ раз пераканаліся, што на Беларусі няма месца, якое не закранула сваім чорным крылом Вялікая Айчынная вайна.
Затым цудоўная фігура сімвала нашай Радзімы. Бусел , здаецца, атуляе ўсіх ад бед ...Не менш значнае месца - царква св. Пятра і Паўла. Вучні наведалі таксама крыніцу, а заключным этапам было наведванне кафэ "Альтанка", гаспадыняй якога з'яўляецца выпускніца нашай школы.
Атрымаўшы шмат ўражанняў, задаволеныя паходам, вучні вярнуліся дамоў.