Кім быць? Якая прафесія самая важная і самая патрэбная? Спрачацца можна вельмі доўга. Адказы на гэтыя пытанні шукалі вучні пачатковых класаў у час пазнавальна-забаўляльнай гульні "Кім быць?" Яны адправіліся ў падарожжа на цягніку, узяўшы з сабой 5 чамаданаў з розным, але карысным зместам. У першую чаргу ўзялі чамадан Уважлівасці, дабавілі чамаданы Актыўнасці і Узаемапавагі і не забыліся пра чамаданы Сяброўства і Усмешак. У час гульні дапамаглі жыхарам Горада майстроў знайсці работу па спецыяльнасці. З цікавасцю праглядзелі мультфільм-песню пра прафесіі, усе разам выканалі песню пад назвай "Кім быць?"