Першы званок запрасіў вучняў, настаўнікаў і гасцей школы на ўрок  "Мне выпала шчасце тут нарадзіцца" ,  прысвечаны Году малой радзімы. 
А потым бібліятэкар Церан  Н.С. запрасіла вучняў пачатковых класаў  на экскурсію ў этнаграфічны музей Перхавіцкага ЦКіНТ. Яна пазнаёміла з нацыянальнымі традыцыямі і укладам жыцця нашых продкаў, з прадметамі паўсядзённага побыту, рамёствамі. У музеі сабраны старадаўнія рэчы,  ткацкі станок, прыстасаванні для сельскай гаспадаркі, традыцыйнае адзенне, посуд. 
Дзеці самі спрабавалі малоць зерне,  ткаць.