23 верасня вучні ДУА "Перхавіцкая сярэдняя школа Баранавіцкага раёна" наведалі літаратурна-музычны фестываль "Восень у Завоссі" і прынялі ўдзел у насычанай праграме свята. Экскурсія па музеі-сядзібе, канцэртная праграма, выступленні літаратараў, выставы, майстар-класы, фотазоны - усяго ўбачанага не пералічыць! Паслухалі музычныя творы часоў А.Міцкевіча. Прынялі ўдзел у віктарыне па беларускай мове. Спадабалася і выступленне фальк-бэнда "Неруш". Час праляцеў хутка, з новымі цікавымі ўражаннямі, стомленыя і задаволеныя, вярнуліся дадому.