21 лютага ў Перхавіцкай сярэдняй школе Баранавіцкага раёна вучні прынялі ўдзел у акцыі "Размаўляй са мной па-беларуску". У час акцыі вучні пісалі беларускія словы на бярозавых лісточках, кветачках, а пасля іх вешалі на слоўнае дрэўца. Пасля вучні 7-11 класаў прынялі ўдзел у мерапрыемстве "Добрыя словы пра родную мову". У час сустрэчы вучні вялі гутарку пра той няпросты шлях, які прайшла беларуская мова. Тут гучалі вершы М. Танка, Я. Янішчыц, П. Панчанкі, І. Пракаповіча, а таксама песні ў выкананні ансамбляў "Песняры", "Сябры".